Indiana Jones and the Kingdom of the Crystal Skull (2008)

電影 : 3.5______畫質 : 4______整體 : 3.5


細個時好仲意的電影最新一集.
有大型而胡鬧的追逐戰,有大石,猛獸或洪水追主角,表面好原始但結構好精密的古老遺跡機關.
向主角開幾十鎗都唔會打中,無論經歷咩野主角都唔會死.
唔合理,但咁先係Indiana Jones.
套戲其實頗一般,買來睇則為情意結.
而來到今集為經典角色加上新原素就係加入佢的後續人.
同佢兒子一同冒險,情況有點像第3集"Indiana Jones and the Last Crusade (聖戰奇兵)",
出現由辛康納利演的佢爸爸.
係咪意味著佢兒子(Shia LaBeouf)將代替福伯成為新一代的Indiana Jones?
咁我期待冒險電影回歸的.近年除左不錯的National Treasure系列就無咩lee類片.
而Tomb Raider又拍得好難睇...
lee套我覺得畫面差D...最主要特效鏡頭前景同背景的色唔夾.
我唔知佢係咪刻意懷舊成套戲有d偏黃但我不太欣賞.

Jennifer's Body 陰點鬼情人

電影 : 4______畫質 : 4______整體 : 4


老老實實,當然開頭係為左Megan Fox 個body去睇la.
結果當然係無野睇.然而意外地部戲係幾好睇.
而2位女角的發揮都好好,Megan Fox起碼無"變形金剛"純粹行行企企咁花瓶.
今次佢演一個會食人的bitch絕對係好適合佢.
另一個女角Amanda Seyfried演帶點神經質而古肅及後來瘋狂的女生,演得好有神采.
完全不會比美艷的食人bitch搶哂鏡.
故仔方面很老套但玩得過癮夠cult,感覺有d似"teeth (小心有牙)".
我自己好仲意lee類玩得夠癲的B片.
畫面ok而有接近電影比例的1.85:1

Michael Jackson's This is It

電影 : 5______畫質 : 5______整體 : 4.5

作為喜歡MJ的我當然要買來至敬.

這其實是一個演唱會的製作特輯.

然而畫面音效及剪接都有好高水平,大部分畫面都係1.78:1電視比例.

係絕對值得喜歡MJ的朋友收藏.

可以看到佢只要一站在台上音樂響起就充滿力量充滿神采,儘管那只不過是rehearsal.

唯一美中不足係menu到簡scenes唔用歌名分,同無我仲意的2首歌"heal the world" 及 "you are not alone"

Watchmen 保衛奇俠

電影 : 4.5______畫質 : 4.5______整體 : 4.5


新年買的3隻blu-ray的其中一隻.
係戲院睇時已經好有印象,
一部好深沉而好有哲學意味,政治及充滿反諷的電影.
戲院第一次睇時覺得資訊太多一時消化不下.
依家買返來睇第2次更能理解覺得好好睇.
部戲拍得好有風格完全不是傳統美式英雄電影.
畫面音效整體不錯.

Gladiator (2000) 帝國驕雄

電影 : 5______畫質 : 4.5______聲效 :很好______整體 : 4.5

又一部想由DVD轉到blu-ray我很喜歡的電影.剛推出時已經想買,

不過在blu-ray.com對佢畫質評價一致劣評令我卻步.

依家買左返來睇(我買港版但隻碟其實係英版).我又覺得畫質唔差wor.

開頭第一場戲漫天飛雪2軍對峙,我覺得個畫面層次仲幾好.

唔知英版同美版係咪係質素上有差異.

今次係加長版,不過又係加長左d咩其實我又唔係好知.

但整體感覺上個故仔完整d.

重看了一次畫面方面其實只係有點偏暗,要將部電視教光少少就ok,其實問題不大.
最近因為看了一部同樣講Gladiator 的電視劇"spartacus blood and sand",
劇情方面跟電影Gladiator很像,不過Gladiator 好太多了.
Gladiator 一直是我好喜歡的電影,很喜歡首尾呼應主角想回家的影像,
一為當世名將立下輝煌戰功後最渴望的其實都是可以"回家".
當發現家已不成家時,這位名將已失去生存的意義,淪為奴隸也好,角鬥士也好,什麼都無所謂.
然而在兢技場上最終找到生存下來的意義,就是完成國家給他最後一個使命.之後就可以無悔地回家.
我很喜歡最後影住主角穿過田園與家人重遇的鏡頭.為電影加了幾分詩意.
另外對人性的刻劃很細緻,那個迷戀姊姊的無能皇帝,為保護自己兒子要忍辱負重的姊姊,曾經贏得自由而心存感激的角鬥士等等.
我認始終為最好睇的是人性.即是我未必想知道你用什麼方法殺一個人,但我想知道你為什麼想殺一個人.

Inglourious Basterds 希魔撞正殺人狂

電影 : 3.5______畫質 : 4.5______整體 : 4

有我喜歡的導演Quentin Tarantino+喜歡的演員Brad Pitt,

上映時不知忙什麼無去睇.

電影好一貫Quentin Tarantino風格的古怪.

可惜今次無咩驚喜不過不失.

我始終懷念導演舊作Pulp Fiction 的離奇劇情或Kill Bill 的瘋狂.

畫質相當不錯.

Pandorum 變種侵略

電影 : 4______畫質 : 4.5______整體 : 4.5

之前有同事介紹過好睇.見blu-ray出左買來睇下.

果然不錯,故仔幾有趣,成套戲調子好暗氣氛很好.

個感覺好似果d恐怖game,劇情其實亦幾打機.

特別係有唔同技能的同伴加入及有人為你導航.

我唔抗拒lee種打機式電影,睇完當打爆一隻game其實幾過癮.
相信喜歡玩科幻驚嚇game的朋友會喜歡lee部戲.

畫質方面其實應該滿分,佢好多暗場境都有好表現.

不過有某d場境太暗因而好多noise扣左d分.

聲音平均度好(leeD驚嚇片好易變成音效太大,人聲又太少)而且音質不錯.

I Am Legend

電影 : 4.5______畫質 : 5______整體 : 4.5

又一部我好喜歡的電影買返blu-ray.
頂級畫質及音效絕對值得收藏.
電影本身我經常當成導演Francis Lawrence的前作Constantine係同一個系列來看.
同樣有好重的宗教意味,
戲中主角一家人祈禱後太太及女兒坐的直昇機即時撞毀令我好深刻
另一場主角想救返隻狗而冒險入屋,
用電筒燈光係黑暗中搜索,氣氛好沉重感覺很毛骨悚然.
然而睇到隻碟黑位表現好好.

神探

電影 : 4.5______畫質 : 3______整體 : 4

同事sky昌平賣比我的.

我很喜歡的杜琪峰與韋家輝再次合作電影.

很失望,質素沒有PTU好,畫質只有合格水平.

下面Screenshots是英國版blu-ray,感覺上比港版好.

香港發行商可唔可以做好d?

你除左識將你個美亞logo係戲入面簡中飛出來之外仲做左d咩?

做返好d碟的質素,唔好迫我港產片都要買外國版本.

PTU (2003)

電影 : 4______畫質 : 4______整體 : 4

因為同事sky昌聖誕抽中左3隻blu-ray而佢沒有blu-ray機.
所以提出我用dvd同佢交換lee隻blu-ray.
本來被葉問極差質素嚇怕左唔敢買港產blu-ray.
一睇之下質素又幾好wor.D黑位表現又幾出色.
整體表現理想係個音效同人聲平均度差少少,不過可接受.
可以講我對港產blu-ray有返D信心.
作為很喜歡杜sir電影的我可以由杜sir的作品開始買返港產blu-ray.

The Chronicles of Narnia 系列 (2005-2008)

電影 : 3______畫質 : 5______整體 : 3.5

我有係戲院睇第1集,作為給小朋友看的電影我認為ok la.
故事我覺得第一集似聖經,第二集似魔戒.
始終係童話故事無咩深度.不過極高畫質.

The Matrix系列 (1999-2003)

電影 : 5______畫質 : 4.5______聲效 :極出色______整體 : 5

又一個已經有DVD都要買返blu-ray我很喜歡的電影.

之前已睇過成個系列4,5次,在blu-ray下依然給我新感覺.

高清化做得好好未算頂級但好滿意.高清下Zion 的場境好靚.


看了n咁多次之後的睇法.
關於成個系列的中心思想及哲學.
開首第一集主要講什麼是真實,首先你要確認你是否真實活著.
"你憑咩認為你真實活著?"憑你的思想,憑你所看見觸碰的事物,
要是話你聽其實你的思想從來都比囚禁著,你一生重未觸碰過任何野,
甚至你根本沒有用過你的眼睛看個任何野.
你根本沒有在你認知認為真實的世界存在過.
"welcome to the real world"是第一集的經典對白.
而在確立左何為真實時之後往後2集則探討生存的意義.
戲中提及人類不能單純生存著,最起碼要從意識中包含幾個原素.
3位主角代表左3大原素,Neo代表"選擇",Morpheus代表"信念",Trinity代表"愛".
而3大原素都係通向"盼望"或可以講對未來更好的"盼望".
這未可以明確解釋生存的意義戲中亦未帶有任何明確的答案.
可以講人要生存著就要有這幾樣原素,要有"選擇","信念","愛"及"盼望".
那即是活著如果有哩幾樣原素,起碼算得上活過,存有某種意義縱使生命苦短.
要不然生命在長也是白活單純是沒有"死",但亦沒有"活",是行屍走肉沒有任何意義.
Neo選擇戰死而化解恩怨,Morpheus一直堅守信念,Trinity為愛而倍Neo到最後死而無悔.