Die Hard Collection (1988-2007)

電影 : 4.5______畫質 : 4______聲效 :很好______整體 : 4

而非常超值的價錢21.99美金從Amazon買下這個boxset,

一次過睇返哂4集感覺好爽,特別在高清下重溫頭細個明珠台經常播的頭3集.

畫質整體不錯,必定是我看過最好的版本.

聞說拍緊第5集"A Good Day to Die Hard",期待~

Yippee-ki-yay, motherfucker~

低俗喜劇,低俗喜劇,新宇宙威龍

 

低俗喜劇

正如戲名低俗喜劇,沒深度但幾好笑.

低俗,粗口,膚淺.覺得可以一睇,都幾能好笑.即輕鬆下笑一笑果d.

蝙蝠俠-夜神起義 (The Dark Knight Rises)

近年最精彩的3步曲

蝙蝠俠3步曲終於來到最終章,整體表現不及上集"The Dark Knight".不過整個3步曲是一個很完整的故事,應該完整的一同看.劇情上蝙蝠俠由上集最全盛的狀態到今集的疲態,主題由1的"恐懼"2的"混亂"到 今集"痛苦",整個調子很抑壓主題很沉重.所以沒有上集跟Joker棋局般招來招往鬥法爽快過癮.而今集劇情反社會反資本主義郤留下更多反思的空間.今集 加入貓女及羅賓,可惜因為編幅所限沒有太大發揮.

新宇宙威龍 (Total Recall)

舊的好睇d 

在家中睇多一次90年的"宇宙威龍 Total Recall"再入場睇2012版本,論特技及動作場面是新的好,對未來的設定亦很細緻(世界觀有點像"Blade Runner"),不過劇情是舊的好.新版本在人物建構方面沒有太多偏幅,角色太過流如表面而換來是大量動作場面,後期甚至有點吃不消的感覺.故事改動頗大但效果不好劇情反駁位太多,為何不再改多一d成為一部新的戲.整體有點失望,現 在是一部不難看的科幻片但不會像90年版本成為一套經典.

Total Recall (1990) 宇宙威龍

 

電影 : 4______畫質 : 3.5______聲效 :很好______整體 : 3.5


不久將會上今年重拍的Total Recall,所以很想睇返90年哩套.
見Blu-ray都係$69即刻買返來睇,因為我已經完全唔記得內容.
睇返又幾好睇好90年代的戲,有色情有暴力有粗口.
劇本寫得不錯,特技當年算好勁現在看來當然無咩大不了,但好過現在賣弄特技的科幻片 .
是一部非常不錯的90年代si-fi.另外當年莎朗史東好正~
畫質高清來講算僅僅合格

Knowing (2009) 地球毀滅密碼

電影 : 3.5______畫質 : 4______聲效 :極出色______整體 : 3.5


減價$60買來睇,一套好特別的滅世電影. 
劇情很非主流,唔特別好睇亦唔難睇平平地可以買來睇下.其中有一場災難情節好震撼.

 

普羅米修斯,車手,蜘蛛俠

蜘蛛俠

都好睇,但真係要比較的話我覺得舊的好D.

重新來過的蜘蛛俠.一部正路的娛樂特技片,節奏快動作快特技靚男女主角外型又好,無死錯人的,要知道宜家d觀眾只要慢少少交代一下劇情就已經係話勁悶,同 千萬不能留任何可思考的空間比佢.走出911陰影的美國沒有了"能力越大,責任越大".睇場戲姐,唔洗咁沉重囉,國民教育咩.不說教不要講大道理,多d愛 情(都係個D我唔理,總之勁愛你la).換返今集的主題,"無必要守一個守不到的承諾,同其實我可以做我想做的野".都係個句la,背負成個城市責任留返 比Dark Knight.蜘蛛俠做下英雄溝下女咁,反正又終於有個靚的女主角.

車手

其實係鬥人唔係鬥車

近期很不錯的港產片.雖然表面上講車,事實上骨子裡都係典型兵捉賊鬥智鬥力電影.很喜歡拍得好實在,很香港,不是另一套"頭文字D".杜sir監製關係, 所以有點佢的影子,有個種迫力同黑暗美學.劇情布局簡單分明利落.戲中幾位主要演員都做得很好,其中葉璇想不到咁出色.我不太懂車,倒認為幾場賽車場面都 拍得很好,而如我之前所講,套戲講的係鬥人唔係鬥車.

普羅米修斯

好看,但不能取代Alien的經典地位

很難讀的戲名"普羅米修斯",用希臘神命名.要不是我知道是Alien導演Ridley Scott執導及在trailer看到跟Alien一樣的場景,外星太空船等.根本不會留意哩部戲.簡單來講是Alien的前傳,回到發現異型的外星太空 船,時間上是Alien事故之前.有d似重拍的作品,劇情跟Alien有d似,感覺係當年導演技術所限拍唔到的野宜家拍返.視覺特效好出色,3D效果亦 好.有幾幕驚嚇場面拍得好嚇人,不下於當年第一次見異型係個肚爆出來震撼.

以下有一d劇情想跟大家討論下(含劇透)
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

我覺得部戲講的主題係"起源",最開頭個幕巨大外星人不知什麼原因(我估係被放逐,佢睇住太空船飛走),
飲左個杯古怪野自殺(相信佢係自殺),而奇蹟地佢的DNA孕育出另一種生命體,相信係暗示人類的誕生.
即係人類係在一個不遇計的情況下出現.然後劇情推進,女主角意外感染誕下怪物,
最後怪物吸收巨大外星人孕育出第一隻異型,我想這是第一隻異型吧.
戲名用希臘神名字的關係,因為希臘神最喜歡講兒子會超越父親,即暗示被孕育出來的物種會超越原來的物種.
即巨大外星人認為人類的存在最終有一天會超越佢地所以想消滅人類,不過意外發生去唔到.
而"異型"在巨大外星人及人類孕育出現,所以有好優秀的能力.
戲中亦有另一條線來暗示主題,係人所造出來的"人造人"David,佢係不斷學習的情況下佢多方面的能力已經超越人類.
甚至暗示他亦同樣地想去探討佢點解存在及生存意義佢會想去學習及了解人類,而事實上對人類而言佢只係一件工具.
David對人類的好奇就好似呼應人類對巨大外星人的好奇.
而對巨大外星人來說人類的存在就好似異型咁不應該出現的

Captain America: The First Avenger (2011) 美國隊長復仇者先鋒

電影 : 4______畫質 : 4.5______聲效 :極出色______整體 : 4

同樣是睇完The Avengers買返來回顧,
第二次睇覺得比係戲院睇時好睇.
畫質聲效都很出色.

我鐘意睇瘋狂大美國主 義的電影,不過整體mama地.頭半不錯,愛國"散"仔有一顆純真而愛國的心,變成好打大隻仔救世界最重要係佢仲保持純真(相信是吸 引女性觀眾的重要原素,即後來變成可以吸引全國女人的大隻仔,但佢果心依然係我度囉,去打仗都keep住我張相囉,我仲偷偷地摸左佢個胸一下,嘩~真係好 大呀).非常打機的過關的荒謬劇情無問題,不過我略嫌佢動作場面太亂,特技場面唔夠大.如果佢哩2樣都好咁就係一套很精彩的娛樂特技片.

Thor (2011) 雷神奇俠

 

 

電影 : 4______畫質 : 4______聲效 :極出色______整體 : 4

因為最近睇完The Avengers好想回顧返之前獨立幾個英雄買返來睇.
而我比較喜歡阿"雷神"之前覺得自己係神很kai很驕傲有點不可一世的性格.
後來大澈大悟謙卑哂係The Avengers反而無咁過癮.(我想佢同Iron Man講你再聰明有錢都只係凡人,而我係"神")

畫質比想像中差一點聲效有 DTS-HD Master Audio 7.1則很出色.

"雷神"是典型娛樂動作特技電影,劇情爽快特技精彩加d笑位,夠收貨我非常滿意.

男主角單純係度擺post同哂大隻,有黑天鵝影后Natalie Portman 做女主角都救唔返.

當然作為娛樂動作特技片劇情膚淺及老土係可以按受,

well....又係被人陷害的落難王子遇上平民女子個d,唔知點解2個忽然打車輪勁有feel囉,然後分隔兩地但此至不喻咁囉.

復仇者聯盟與超級戰艦

 

復仇者聯盟

由Iron Man開始鋪排的Avengers終於都上映.集合左愛國Playboy,純真大隻仔,平時好溫文私科學家,好kai的神,加埋靚女black widow同神箭手組成炒集會Avengers.well....有英雄有特技有靚女有爆破有幾個笑位咁,仲要3D效果ok,原則上夠收貨有餘.而且我喜 歡佢完全唔交代佢地幾隻野的背景,即係之前有5部電影獨立介紹個佢地,你應該識佢地的fans向角度,你覺得唔好睇係你唔係fans囉.把幾個性格鮮明的 英雄放埋一齊,由不和都團結個d大路劇情,無驚喜但不難看, 而Iron Man係主角最多對戲份亦意料中事.無計,近年最紅係佢~整體我喜歡哩個The Avengers系列,希望佢一路加英雄一路炒集會,承繼x-men之後的正統的膚淺英雄片系列.深度留返比Dark Knight ,Marvel千奇唔好學!!

 超級戰艦

一部合格的娛樂特技片,膚淺荒謬的劇情配合華麗的視覺特效.由頭段一直爆到尾中段又無端端炸埋香港,見到中銀成"枝"發左落離,作為港人係會加d分的.咁 加個好好身材的金髮女主角跑山,加d美國英雄注意,死d人咁.基本上ok收貨.如果你仲想話d外星人點樣唔合理劇情好反駁個d,咁等如你去麥記食個餐又要健康個d港女一樣咁口是心非咁,汽水就緊係多冰,薯條就緊係熱氣,塊牛肉緊係唔係牛肉來架la.

Harry Potter Complete 8-Film Collection (2001-2011))

 

又再次因為同事阿C有折扣的關係買下全8集 Harry Potter blu-ray.

經常都想再回顧哩部歷時10年的電影.

我確實亦很喜歡 Harry Potter系列,而一集一集看著3位小主角成長,感覺像親人般很有親切感.

Harry Potter and the Sorcerer's Stone

電影 :5______畫質 :3.5______聲效 :很好______整體 :4

第一集傳奇開始,"THE BOY WHO LIVED"

11年前雙親被魔頭所殺,還是嬰兒的Harry Potter卻絲毫無損奇蹟活下來只留下閃電疤痕,甚至傳言魔頭被Harry Potter消滅.

以為自己是平凡人的Harry Potter不知道從那天起便成為魔法世界的傳奇人物.

失去雙親,被對他很壞的叔叔家庭養大,從小都沒有得到其他人的關愛,可憐地住在樓梯下小房間.

一天貓頭鷹送來的信件,是 Harry Potter再次回歸本是他應該存在的魔法世界門票.

就算叔叔如何阻止,就算在荒島,疼愛他的大巨人Hagrid都會來送生日蛋糕給他接走他.

之後一幕幕奇幻之旅,遇到一生好友Ron及Hermione,迷失指引他的智者Professor Albus Dumbledore,表面冷漠但其實很關心他的Professor Minerva McGonagall送他全新的掃把參加比賽.

年輕的 Harry Potter雖然失去雙親但在魔法世界終於能找到自己所屬的地方.有一班疼愛他的良師益友 .
最後再遇魔頭依然不能傷害Harry,全因當年母親用愛下的魔法保護.
畫質不算很好,是合格水平.

Harry Potter and the Chamber of Secrets

電影 :5______畫質 :4______聲效 :很好______整體 :4
來到第2集故事講神秘密室將再開啟放出猛獸大開殺界,所以整體氣氛比上集陰沉.
同時今集探討Harry對自己能力的迷惑,留有魔頭一部份的能力是否就是壞人?
我很喜歡最後Dumbledore向Harry說:"不是能力決定你是什麼人,你的選擇才決定你是什麼人"
最後拿起Gryffindor留下的劍殺死猛獸救回他未來的太太Ginny.
Harry不再迷惑於自己的能力,明白只要他選擇成為一個好人便能成為一個好人.
畫質不錯比第一集好.

......有時間再寫......

 

春嬌與志明與鐵達尼號

 

 

春嬌與志明

如果唔上去找個有楊冪咁正的北京妹,之後又返啅港女.

咁點算驚天動地愛能過?

這個續集意想不到的精彩,更想不到是一部令人動容的愛情片.

我很喜歡用7仔微波爐食物比喻愛情,

不是什麼了不起的食物,但這包含了回憶及感情,然而就是解釋不到的喜歡.

這可不就是真實的愛情嗎?很少看到香港能拍出這麼精緻的真實愛情故事.

原本以為大家只愛看那些俗不可耐的十分愛系列.

還好香港還有彭浩翔.他 人在北京依然可以拍出讓香港人感動的電影.
ps:曾經有段時間我在國內工作,我經常懷念想喝香港茶餐廳的凍檸茶,

所以看到那情節我很有共鳴.

鐵達尼號3D

15年後依然感動,想不到3D效果不錯,而畫面音效亦優化了很多.完全不像15年前的電影.

Underworld (2003) 妖夜尋狼

 電影 : 3.5______畫質 : 4______聲效 :很好______整體 : 3.5

戲院正在上映此系列最新的Underworld: Awakening.

考慮看不看時不如買返第一集blu-ray來看.

當年憑藉Pearl Harbor 珍珠港爆紅的女主角Kate Beckinsale演愛上人狼的美艷吸血殭屍.
當年以動作特技片來說算是很不錯,而感覺則有點似Matrix
同樣強勁音樂配誇張的動作場面,古典而靡爛又結合高科技的場景.
本來我覺得過去的Underworld系列係好一般.
佢真係要多謝The Twilight Saga系列個d閃閃發光的殭屍(我睇個時真係笑到仆街),
同好Q的大狗人狼.完全玩死左殭屍與人狼.
咁宜家睇返Underworld真係唔太差.
套用一 句9GAG用語still a better love story than twilight
高清化理想畫質不錯.

  

  

 

Colombiana (2011) 魅影殺機

 

電影 :3______畫質 :4.5______聲效 :極出色______整體 :3.5

 上畫時都有d想睇,現在見blu-ray不貴120蚊即刻買返來睇.

講少女目睹雙親被仇人所殺,展轉逃到美國投靠叔叔.

長大後在叔叔的幫助下成為殺手打算向仇人報復.

這樣的故事加上知道是Luc Besson 編劇,立即想到是另一套Leon : The Professional 這個殺手不太冷

不過好可惜,差很遠...整體只是不過不失.

 甚至女主角相比下不及當年只有12歲的Natalie Portman. 

潮性辦公室 (2011)

 

電影 :0.5______畫質 :4______聲效 :差______整體 :0.5

有時行過碟鋪都會看到播著一段詹瑞文的舞台劇潮性辦公室,
覺得幾有趣, 電影版見好平買來睇下.
結果不知所謂很難看爛片一部.

龍紋身的女孩 The Girl With Dragon Tattoo

 

David Fincher 回歸se7en之作

作為David Fincher導演的支持者,在se7en及Fight Club 2部神作之後,總覺得有點失色,像Zodiac (不太欣賞), Benjamin Button (一般) , The Social Network (算是不錯,但都好像差點什麼...).來到龍紋身的女孩絕對是回勇之作,片種亦是導演很拿手的查案類型跟代表作se7en有點像.158分鐘的密集劇情 由精彩的片頭開始,配樂,故事推進,暴力美學都很出色.是近期必看之選.另外想不到在 "The Social Network"裡演純樸女生的Rooney Mara可以之後演"龍紋身的女孩"這麼入型入格. 

The Social Network (2010)

 

電影 :4.5______畫質 :4.5______聲效 :很好______整體 :4

原來我遺留了沒有寫這戲的碟評,

最近因為看了"The Girl With The Dragon Tattoo 龍紋身的女孩",

所以重新看一次 "The Social Network",

想不到在 "The Social Network"裡演純樸女生的Rooney Mara可以之後演"龍紋身的女孩"這麼入型入格.

講回 "The Social Network",一部拍得很好的人物傳記電影.

講facebook的誕生,劇情以一對好友反目互相對質法律訢訟開始.

當中密集的情節極大量的對白拍得很有條理,相信導演David Fincher 拍完更覆習的"Benjamin Button 奇幻逆緣"後更加手到拿來.

如大部份 David Fincher的電影探討人性才是重點,電影重點放在共同創辦人由合作到反目.

最後成功了得到一切但與好友反目,不忘舊女友但就連facebook 的friend list裡都沒有她.值得嗎?

最後看著主角facebook add回舊女友不停refresh 看她有沒有accept 的畫面好有趣.

你可以聰明到創造facebook出來但亦不代表你可控制內裡的一切.