What's going on?

龍紋身的女孩 The Girl With Dragon Tattoo

2012-01-18T12:51:00.000+08:00

David Fincher 回歸se7en之作

作為David Fincher導演的支持者,在se7en及Fight Club 2部神作之後,總覺得有點失色,像Zodiac (不太欣賞), Benjamin Button (一般) , The Social Network (算是不錯,但都好像差點什麼...).來到龍紋身的女孩絕對是回勇之作,片種亦是導演很拿手的查案類型跟代表作se7en有點像.158分鐘的密集劇情由精彩的片頭開始,配樂,故事推進,暴力美學都很出色.是近期必看之選.另外想不到在 "The Social Network"裡演純樸女生的Rooney Mara可以之後演"龍紋身的女孩"這麼入型入格.

The Social Network (2010)

2012-01-17T18:30:00.000+08:00

電影 :4.5______畫質 :4.5______聲效 :很好______整體 :4

原來我遺留了沒有寫這戲的碟評,

最近因為看了"The Girl With The Dragon Tattoo 龍紋身的女孩",

所以重新看一次 "The Social Network",

想不到在 "The Social Network"裡演純樸女生的Rooney Mara可以之後演"龍紋身的女孩"這麼入型入格.

講回 "The Social Network",一部拍得很好的人物傳記電影.

講facebook的誕生,劇情以一對好友反目互相對質法律訢訟開始.

當中密集的情節極大量的對白拍得很有條理,相信導演David Fincher 拍完更覆習的"Benjamin Button 奇幻逆緣"後更加手到拿來.

如大部份 David Fincher的電影探討人性才是重點,電影重點放在共同創辦人由合作到反目.

最後成功了得到一切但與好友反目,不忘舊女友但就連facebook 的friend list裡都沒有她.值得嗎?

最後看著主角facebook add回舊女友不停refresh 看她有沒有accept 的畫面好有趣.

你可以聰明到創造facebook出來但亦不代表你可控制內裡的一切.

葉問2 (2010)

2011-12-12T12:47:00.001+08:00

電影 :3.5______畫質 :5______聲效 :不錯______整體 :4

葉問的熱潮退去,blu-ray降到95元買來看.
最驚喜是畫質很好,第一集我是不能接受的.
電影本身不錯但沒有上集好.而今集場景好靚,看得出很用心.
開心見到港產片製作上比之前認真.
近年,大陸及台灣電影製作水平進步很多,港產片絕對要加把勁.
武打場面設計同樣亦沒上集精彩,故事亦難以跟上集日本侵華國仇家恨比.
唯一比上集好就是葉問沒有這麼無敵,"鬼佬"都起碼曾經抽到佢訓低.
配合極高畫質下整體令人滿意.

The Ugly Truth (2009)

2011-12-12T12:16:00.001+08:00

電影 :3______畫質 :4.5______聲效 :極出色______整體 :3.5

輕鬆的鬼佬式愛情輕喜劇.不太貴買來看.
一般公式化的當"中女"遇上"賤佬",都係由誤會到互生情素果D.
可惜就是這樣公式化跳不出關關,不難看但沒驚喜只是合格水平.
所謂男女大不同的真實亦不夠"盡"點道即止.
人物描述亦流如表面,而抵死場境設計亦不夠多.
well...就係全部差dd.但意想不到的高畫質及好聲效~

Star Wars The Complete Saga (1977-2005 )

2011-11-01T11:20:00.000+08:00

電影 :5______畫質 :5______聲效 :極出色______整體 :5

多謝同事"阿C"讓我以一個好超值的價錢買到這套Star Wars.

在高清重生下觀賞這部經典實在震撼.
頭3集咁近年當然好靚,77年個套第4集亦做得好好係暗位雜信較多(而34年前的戲來講),
80年第5集又再靚D,連暗位表現都唔錯(如遇到yoda大師個段)
好可惜bonus disk無中文字幕...而那個集結多年Star Wars惡搞片段想不到很有趣.

之前看總神往其Jedi光劍打鬥,不太留意故事.
而今次再看首3集由共和步向帝國,後3集的帝國破滅後有意思.
貫徹佢世界觀相生相剋,萬物尋求平衡.
所以由原力而生的Dark Vader 最終平衡光與暗力量.

Bridget Jones: The Edge of Reason

2011-09-14T15:17:00.000+08:00

電影 :3______畫質 :3.5______聲效 :不錯______整體 :3

BJ 單身日記的第2集,係平blu-ray $65系列未睇過又買來睇下,

第一集好睇好多,今次劇情實在有d"格硬來"同有d翻抄上集.

阿飛正傳 (1990)

2011-09-14T14:55:00.000+08:00

電影 :5______畫質 :1______聲效 :不錯______整體 :3.5

電影是經典不用多說,"我會記得個一分鐘".
除了張國榮無人可以做到哩個角色.
很可惜畫質完全跟DVD無分別...雖然DVD時做得很好.

Sucker Punch (2011)

2011-09-01T12:59:00.001+08:00

電影 :5______畫質 :4.5______聲效 :極出色______整體 :4.5

終於在Amazon買了美版加長版回來.
加長版故事更完整,如果喜歡戲院的版本會更喜歡加長版.
多了一場很像 "Moulin Rouge! 情陷紅磨坊"的歌舞戲感覺很好.
尾段多左Baby Doll 與 High Roller 的戲,
更加清楚交代Baby為何自願從思想解放自己.
不過要留意加長版性的意味好重.

Reality is a prison. Your mind can set you free.

很喜歡的一部電影.
假如現實太過殘酷,何不在意識裡解放自己?
現實有太多限制,思想倒天馬行空任意遊走無邊無際.
一貫導演Zack Snyder的強烈視覺風格,非常有格調.
那種電玩遊戲,MTV風格未必人人接受.
當中隱喻亦未必一時能消化.
不要想太多,不如放鬆自己跟主角一同思想漫遊2小時.

隊長與猿人

2011-08-19T18:23:00.001+08:00

美國隊長復仇者先鋒 Captain America: The First Avenger

我鐘意睇瘋狂大美國主義的電影,不過整體mama地.頭半不錯,愛國"散"仔有一顆純真而愛國的心,變成好打大隻仔救世界最重要係佢仲保持純真(相信是吸引女性觀眾的重要原素,即後來變成可以吸引全國女人的大隻仔,但佢果心依然係我度囉,去打仗都keep住我張相囉,我仲偷偷地摸左佢個胸一下,嘩~真係好大呀).非常打機的過關的荒謬劇情無問題,不過我嫌佢動作場面太亂,特技場面唔夠大.如果佢哩2樣都好咁就係一套很精彩的娛樂特技片.

猿人爭霸戰：猩凶革命 Rise of the Planet of the Apes

有D失望,無我預期的好.咁我鐘意個個狂鬧01年tim burton拍果套多D.前半劇情其實不錯,後面則有d無以為計.結局留左伏線應該會有續集,而佢個劇情鋪排來睇下集會幾好睇.

挪威的森林 (2010)

2011-08-15T12:30:00.001+08:00

電影 :3______畫質 :4.5______聲效 :不錯______整體 :3

睇原著小說實在太多年前的事,已忘記故事的細節,只記得果幾個重心角色及那份世界抽離的哀愁.
是很預期的拍得好差,所以反而唔太失望,電影上時我亦不急去看.
根本"村上春樹"的作品就好難拍成電影,佢的書以主角第一身的想法去看整個世界,無咩劇情.
書以大量的文字表達主角的思維,來到電影則很為難.
看得出演員都好努力去演, 但偏幅所限根本不夠時間讓觀眾睇會角色.
結果出來係一部畫面幾唯美無咩劇情而又不能對角色共鳴的失敗電影.
無看過原著相信會認為是一部好奇怪的電影,所有角色都好痴線.
如果而電影來說因當年看"挪威的森林"小說而深受感動拍成"情書"的"岩井俊二"會出色好多.
同樣是活著的人對死者的懷念,透過電影的語言來表達出來,用電影的方法去感動觀眾.
又或者好熟練處理意識流電影的"王家衛"來做,一個長鏡頭,幾句讀白,一段恰到好處的歌曲音樂.即時把觀眾拉入角色的思緒當中從而感動,會記得果一分鐘.
當然我很相信原著是日本近代很有地位的文學是一個好大的加鎖,
不能亂改要忠如原著,這基本上已經注定不會好睇.而另外配樂用得好差.
或者係時候由箱中拿返那本10幾年前的小說來看.

The Lord of the Rings: The Motion Picture Trilogy (2001-2003)

2011-08-15T10:39:00.000+08:00

電影 :5______畫質 :4.5______聲效 :極出色______整體 :5

終於都等到加長版"魔介" blu-ray高清降臨.可以取代套DVD加長版.
港版竟然要賣成千銀,我買美版連運費都係HKD 638.
戲本身已經睇過5,6次,但再看依然有新啟發依然感動.
第1集 "The Fellowship of the Ring"面對命運
我最喜歡Frodo問Gandalf "點解隻介指會要係我手上?"
Gandalf答"我們不能決定選擇我們的命運,但我們可以選擇用咩方法可以點樣面對."
有一段時間我比較失意時經常想著這段對話.
Frodo接受"魔介"的使命,Sam接受保護看守Frodo的使命.
整個中土世界的命運交付給細小的哈比人手上.細小的人最終解決最大的問題.
不能選擇我們的命運使命,但我們能盡力去完成佢.
第2集"Two Towers"是一個迷失尋找的過程.
重生的Gandalf 去解救被迷惑的國王.
樹人們不再沉默走出來保護它們的森林.
在絕望邊緣背水一戰,5天後晨曦Gandalf帶同救兵趕到,迷失裡堅守信念總會找到處光.
第3集"Return of the King"認識及相信自己.
不在於能力多大而是信念有多強,
Aragorn面對自己的使命拿起王者之劍解救人類最後城堡,
人類公主斬下聲稱無人能殺死的介靈,
Frodo在阿Sam的幫助下最終完成這個不可能的旅程.
畫質需未算頂級但亦非常出色.

TF3 + HP7part2

2011-07-19T15:16:00.000+08:00

無左 megan fox真係差好遠，新女無咩說服力。

劇情太貪心咩都講d，結果好散。特技熟口熟面無咩特破，3D效果一般。

同作為系列的最後一集期待會最後來個終極一戰，宜家草草收場…

睇左hp7 part 2 好正~去睇2D又平又好睇.

我幾鐘意個結局,追左咁多年終於大結局~

同當年LOTR入面見到隻"魔眼"爆左,成個魔城被毀一樣咁解脫.

這將會計LOTR,Matrix,Star wars,Back to future等成為我喜愛的電影系列.

What Dreams May Come (1998) 飛越來生緣

2011-07-18T14:06:00.000+08:00

電影 :4.5______畫質 :4______聲效 :很好______整體 :4

多年前睇過令我好深刻的電影,之後一直都找不到DVD.
唯有去Amazon 買美版blu-ray.
好感動的劇情,在天堂的丈夫到地獄找他自殺身亡的妻子.
由油畫而成的天堂世界好漂亮.
部戲幾有趣係前半是比較西方描述的天堂世界,
而後半則好東方佛教描述的極樂世界.
甚至最後有佛教所講的輪迴轉世...
98年的電影來說畫面不錯.

Cloverfield (2008)

2011-07-18T12:45:00.002+08:00

電影 :5______畫質 :5______聲效 :極出色______整體 :5

一套我極喜歡由J.J. Abrams 監製的電影,雖已有DVD但都去Amazon買美版.
好似打機的第一身的主觀鏡頭,一路如過山車的劇情.
表面上扮隨意的低成本獨立製作,而其實劇本各樣非常精密的大製作.
故事有J.J. Abrams 坐陣不會是行貨野,整係一開頭成個自由神像頭飛左埋來已經夠震盪.
特別喜歡J.J. Abrams 的作品在不是找一個為特別而特別的題材.
我認為創作的功力在於故有關關而特破關關.
大怪獸侵略城市,一班人在逃命,希望在炸毀城市前離開...好老土吧?
問題係點樣拍得破格好睇不落俗套,更難.
聲畫都頂級賞心悅目.

Kung Fu Panda (2008) 功夫熊貓

2011-07-18T11:22:00.000+08:00

電影 :4______畫質 :5______聲效 :很好______整體 :4

又係第2集上,130蚊平平地不如睇下第1集功夫熊喵.
聽d笑女同事講"上一集幾好笑~like佢偷餅食~"d咁有深度的劇情.
應該好適合要定期帶佢睇卡通片的女友睇.
之前無睇係幾覺得熊喵個樣幾唔討好,不過睇睇下睇順左又覺得可以接受.
整體不錯開開心心胡胡鬧鬧,而畫質極好.

Super 8

2011-06-24T17:21:00.006+08:00

又係J.J. Abram s作品即刻入場睇.

平凡的故事精彩的布局,有睇Lost的感覺好好睇.

而J.J. Abrams + Steven Spielberg 監製出了一個幾有趣的化學作用

Steven Spielberg 監製關係幾有佢早期的戲的影子.

有一天幕場面好似"War of the World"

有追開J.J. Abrams作品的人不容錯過~

讓子彈飛 (2010)

2011-06-24T17:21:00.005+08:00

電影 :4______畫質 :4.5______聲效 :很好______整體 :4

其實拍得很好.劇本有趣布局巧妙,演員出色,畫質也很好.不過本人對國內的電影實在有頗重偏見...但這也絕對是一部很好的電影.

The Hangover (2009)

2011-06-14T10:30:00.002+08:00

電影 :4______畫質 :4.5______聲效 :很好______整體 :4

上2個星期睇左Mamma Mia! D 女人都暈的戲.
要睇返D"佬"野來平衡返.
第2集都上左畫先去找返未睇的第1集來看.

坊間對哩套戲的評價不錯,一部好"佬"的電影.
我鐘意佢劇情作為一條"佬"見到BB的反應:"不如放返佢係度唔好理la"
一早訓醒唔見左個friend:"無野的,佢行開左者,一陣應該返來"
瘋狂搞笑無哩頭睇得好開心.
睇完覺得作為一條"佬"結婚前都必然要有一個咁向左走向右走瘋狂的party.

Mamma Mia! (2008)

2011-05-30T10:23:00.000+08:00

電影 :3.5______畫質 :4.5______聲效 :極出色______整體 :4

女友一直想睇,咁不太貴買來睇.

非常女人的女人歌舞片一部,女友睇到開心到跟住來跳.

中段有d傷感又可以流下眼淚,最後大團圓結局好開心呀~

作為一條痳甩佬實在不懂評價...

演新娘的Amanda Seyfried 很討好,看完會喜歡佢.

畫面亦意想不到咁好.

Black Swan (2010)

2011-05-19T17:07:00.001+08:00

電影 :5______畫質 :3.5______聲效 :極出色______整體 :4.5

嚴格自律一絲不荀的白天鵝化身慾望主導自我率性的黑天鵝,徘徊在冷靜與瘋狂之間.
在鏡中看到另一個自己,分不清誰是我.究竟是一個迷失定尋找自我的過程?
是原本真實的"黑"藏在"白"的外表底下定還是相反?
黑與白有多遠還是太近?是一個很遙遠又觸摸得到的距離.
用單純的性歡愉來表現對慾望的貪求,在沉淪中得到解放.
在舞台上拍著黑色羽翼瘋狂舞動,任由那種黑暗佔據自己,黑暗但卻發出最耀眼最能感染人的光輝.
電影拍得好有迫力有幾幕好震撼.覺得像是一個女性版的 Fight Club
Natalie Portman的確演得好,拿影后好合理.
公平的,哩類戲演員可以好有發揮.相對容易拿獎.
不過,假如演員做唔到水平成套戲就會玩完毀於一旦.
畫面我明白佢想刻意營造粗糙感不過我不太欣賞,影像唔夠高清.聲效則很好.

Pan's Labyrinth (2006) 魔間迷宮

2011-05-11T10:03:00.000+08:00

電影 :4______畫質 :4.5______聲效 :極出色______整體 :4

之前無睇過幾年前上畫的西班牙童話魔幻片,
跟過去睇開迪士尼童話故事有好大差別,基本上比細路仔睇應該會發惡夢.
特技效果做得唔錯絕對可以同荷里活相比.
個故事幾殘酷同暴力,而有一場戲的驚嚇效果好出色.
我就幾鐘意咁樣的咁驚嚇"童話故事".
如果你喜歡"殘酷的格林童話"應該都會喜歡哩套戲.
而你係好"迪士尼童話"的人就千奇唔好睇la.

"雷神"與"關公"

2011-05-06T17:13:00.001+08:00

之前一連睇左"雷神"與"關公"2套戲

"雷神"是典型娛樂動作特技電影,劇情爽快特技精彩加d笑位,夠收貨我非常滿意.

男主角單純係度擺post同哂大隻,有黑天鵝影后Natalie Portman 做女主角都救唔返.

當然作為娛樂動作特技片劇情膚淺及老土係可以按受,

well....又係被人陷害的落難王子遇上平民女子個d,唔知點解2個忽然打車輪勁有feel囉,然後分隔兩地但此至不喻咁囉.

而3D效果一般...

"關公"無3D.刻意癲覆左三國演義,故事改得ok.

曹操的戲份好重可以當曹操係主角,而關公主要負責打鬥場面,

幾場打鬥場面都不錯,但唔係無雙feel.算係可以一看.

從好人性化的角度去寫關公,不像民間流傳及三國演義圈染神化左關公,

不過我會喜歡神化左的關公,你話佢係神仙下凡可以一騎擋千仲過癮,

即我好想見到一發把關刀成條龍飛出來個D.

Becoming Jane (2007) 珍奧斯汀少女日記

2011-05-06T10:19:00.001+08:00

電影 :4______畫質 :4______聲效 :很好______整體 :4

因為之前睇左覺得好好睇的 Pride & Prejudice 傲慢與偏見,
所以係200蚊3隻的系列買埋講作者 Jane Austen 生平的 "Becoming Jane"
都同樣拍得好好,而因為人物專記關係所以故事情節比較平淡.
不過一邊睇一邊想作者因為咩野事而啟發寫成小說的情節幾有趣.
整體不及Pride & Prejudice 傲慢與偏見但亦好值得一看,
我幾鐘意套戲用好大景深焦距的鏡頭,簡單而效果很好.

Taxi Driver (1976)

2011-05-05T10:49:00.000+08:00

電影 :3______畫質 :3.5______聲效 :不錯______整體 :3

這是由名導演Martin Scorsese 及我好好喜歡的名演員Robert De Niro 的經典作品.
76年的電影,經常聽有人提哩部戲.看則是第一次看.
見blu-ray.com 13蚊美金咁平仲有中文字幕買來睇.
主角一個極端思想的的士司機,處事而佢自己的角度而從他的角度看到社會的各樣問題.
然而主角以一個極端的手法去處理佢認為要處理的問題.不過最後在一念之下倒成為了英雄.
不過一如我睇導演Martin Scorsese 的戲,實在不是我杯茶...
導演的戲對我來講太抽離,我不能理解亦不能代入.
而戲中Robert De Niro 的做型對白演出等則好經典,把熗收入衣服手臂內滑出來使用,後世不知有多少套電影模仿.
不是我喜歡的電影,不過單單向經典致敬亦不錯.
畫質以35年前的戲來講算很不錯,只是暗的場景雜訊較多.

Kingdom of Heaven (2005) 天國驕雄

2011-05-04T12:06:00.000+08:00

電影 :4______畫質 :4.5______聲效 :極出色______整體 :4.5

我之前無睇過哩套戲,係復活節假期睇特別有意思.

因為耶穌在耶路撒冷城牆外被釘十字架,

引至歐洲各國以基督宗教名義的集結十字軍與回教徒為著耶路撒冷城不停打仗.
基督教與回教的戰爭,各自都認為係"聖戰".
無奈大家都係打著同一個神的名義而開戰.(回教都係信上帝,但不信耶穌是上帝的兒子)
美國剛剛放出"拉登"被殺的消息,這場所謂"聖戰"打到今時今日...
我喜歡電影的立場好中立,而以失去信仰的Orlando Bloom演的主角去看成件事,有一種冷眼旁觀的感覺.
整體而言係 Ridley Scott Gladiator 帝國驕雄後最出色的作品.
我買的港版唔係Director's Cut,在blu-ray.com大家對美版Director's Cut版本一致好計,有d想買返美版來看...

一貫導演的blu-ray質素水平,畫質聲效都很好.

打雷台 (2010)

2011-04-27T14:43:00.001+08:00

我承認由幾年前開始已對港產片失去信心,好像都是拍比國內同胞看的.

而2地文化差異關係總是拍到不論不類.

直到哩部小型本地製作充滿地道文化的"打雷台"拿到今屆最佳電影.

即刻去買來睇沒有出blu-ray買左DVD.

果然是一部好有誠意充滿活力100%的港產片.

不用什麼3D花巧野出位marketing,認真拍一部香港人會共鳴有香港情的電影.

很精彩夠過癮值得推介,希望哩部戲的成功啟發多D 100%港產片出現.

告白 (2010)

2011-04-20T11:33:00.001+08:00

電影 :4.5______畫質 :4______聲效 :不錯______整體 :4

之前上畫有睇,出左blu-ray即時再買了睇多一次.
好震撼我的劇情睇到我好心寒.
後來日本發生嚴重地震事故,不知為何但卻沒有心機寫關於哩部戲.
日本人的民族性,社會現象,想法等一向令我好驚訝.

最後引用一位看完"告白"的朋友的話
"dark is reality so then dark is normal?"

Red Riding Hood (2011) 血紅帽

2011-04-20T10:48:00.003+08:00

拿到了首映的戲飛所以去睇睇點樣將一個好短的童話故事拍成個多小時的電影.

沒有驚喜不太失望亦不算爛,

是Twilight 吸血新世紀個導演拍所以都係個D野,可以當成"吸血新世紀"前傳來看.

如果你喜歡開"吸血新世紀"應該都會喜歡哩套,不然則相反.

平鋪直敘的故事,美術豪無風格,演員中學畫劇式的演技,千篇一律庸俗的三角愛情線.

我想如果你是中學女生應該會看得好高興.都係個D"我鐘意A但又唔可以同佢一齊,B對我好好但我又唔鐘意佢囉,你地唔好為左我打交la.我宜家有危險佢地2個都來救我,人地唔知點好囉"

最後關於原著的故事,只係剩返個件著上身好sharp的"紅帽"

題外話套戲令我想起Tim Burton 套 Sleepy Hollow 無頭谷,比Tim Burton拍應該幾好睇.

TRON: Legacy (2010) 創戰記

2011-04-18T17:27:00.002+08:00

電影 :4.5______畫質 :4.5______聲效 :極出色______整體 :4.5

係戲院睇完時第一個感覺-"科幻包裝的神學電影"

雖然坊間評價一般,但我係戲院睇時已經好鐘意.

我覺得個故仔幾有意思,幾有宗教的意味.

而用像是神的角度來看世界好有趣.亦喜歡戲中對"完美"的定義.

當然戲中的視覺效果,音樂,角色造型等非常精彩.

戲院睇果個不太理想的3D效果令到畫面偏暗,現在正常2D版的blu-ray畫面更靚.

畫質整體很好不過某d場境雜訊偏高,DTS-HD Master Audio 7.1聲效極出色非常震撼.

Inception (2010) 潛行凶間

2011-04-06T11:16:00.000+08:00

電影 :5______畫質 :5______聲效 :極出色______整體 :5

"如果所謂的真實世界連一尺之地都不能擁有,而夢中活在潛意識裡卻擁有全世界,而不受時間同物理限制.那活在真實世界有意義嗎?"

之前的話題之作,引起廣泛討論.給大家上了"潛意識"一課.
現在blu-ray重溫亦很精彩,而且第2次看更能明瞭理解.
畫質聲效極高達試機碟質素非常理想.
電影本身之前網上已有好多注解及圖表解釋,
唔到我班門弄斧在此作什麼分析.
想問大家到最後認為主角回不回到現實定還在Limbo?
我喜歡電影沒留下明確的答案.每人可以有各自的答案及解讀方式.

Sucker Punch (2011) 天姬戰

2011-04-04T18:06:00.000+08:00

Reality is a prison.
Your mind can set you free.

很喜歡的一部電影.
假如現實太過殘酷,何不在意識裡解放自己?
現實有太多限制,思想倒天馬行空任意遊走無邊無際.
一貫導演Zack Snyder的強烈視覺風格,非常有格調.
那種電玩遊戲,MTV風格未必人人接受.
當中隱喻亦未必一時能消化.
不要想太多,不如放鬆自己跟主角一同思想漫遊2小時.

The King's Speech (2011) 皇上無話兒

2011-04-01T12:43:00.001+08:00

趕在落畫前去看今屆奧斯卡金像獎最佳電影.

好工整的一部電影,劇本,演員,對白,節奏,美指等等都有不俗水平.

當中幾位主要演員表現出色,令可觀性提昇很多.

"演講"的題材其實幾難拍得精彩,睇得出劇本上落過不少苦工.

是不是稱得上最佳電影我不敢說,整體而言卻是很不錯的電影.

Grindhouse(2007) Planet Terror 索女．喪屍．機關槍 / Death Proof 玩命．飛車．殺人狂

2011-03-25T14:02:00.003+08:00

電影 :4.5______畫質 :4______聲效 :很好______整體 :4.5

2部瘋狂的電影.Planet Terror 索女．喪屍．機關槍 + Death Proof 玩命．飛車．殺人狂
及一埋瘋狂的假Trailer 組成瘋狂的組合3個多小時的"Grindhouse".
這次從amazon.com買下這當初係外國上畫版本的美版blu-ray.
只是來到香港2部戲分開來上畫,今次才可以原汁原味欣賞.
意想不到哩個瘋狂的化學作用係咁大,我好享受咁睇左一個晚上.
而原本我不太喜歡Death Proof但咁樣合埋來睇又不錯,
之前Planet Terror及一堆假Trailer洗禮後,來一段靜態而密集式的幽默對話正好來一個緩衝.
因為美版只有英文字幕在強迫自己睇同聽英文之下,更覺對話風趣過癮.
畫質很不錯,當然你要明白佢地係扮返70年代的戲,所以刻意加入一d看上去粗糙的effect.
唯一美中不足係,2部戲都減短了一些情節,Death Proof無左lap dance...

So, how about that lap dance ?

well....唯有係youtube補返 lap dance

Battle: Los Angeles (2011) 異形侵略戰

2011-03-24T10:33:00.002+08:00

一天放工無聊1個人去睇左哩套"異形侵略戰 ",

我期待一套官能刺激庸俗膚淺買弄特技的外星人打地球的電影,

結果頗失望,感覺有點四不像.

先沒有我期待膚淺,大美國如 Independence Day 天煞-地球反擊戰咁過癮.

當佢戰爭片睇又不是很好,唔到位.而用手搖鏡頭來增加真實感又用得好差.

睇大場面而言又過份混亂視覺特技又不算出色,外星人的設定太"行".

劇情及角色交代亦流如表面.

前半還可能,後半根本失控,最終四不像收場各方面都不討好.

不如翻拍"Independence Day" la~

炸左白宮,air force one 最後一刻起飛飛去area 51,

見到外星人第一件事係一拳抽埋去打暈佢,再一邊食雪茄一邊tall佢返基地.
area 51原來收埋左外星人飛船好多年.
求期有條友拿部電腦整電腦病毒就搞垮哂外星人個系統.
最後美國總統上埋戰機打外星人.
係咪好膚淺呢?但真係睇得好開心過癮wor.

Resident Evil: Apocalypse (2004)

2011-03-10T18:55:00.000+08:00

電影 :3.5______畫質 :4______聲效 :很好______整體 :3.5

睇完第4集又平平地買返第2集來睇.
相對來講第2集算幾有劇情同忠於原著,
本來整體不錯可惜選角幾差而特技水平又很一般.
可以說不過不失.

Vicky Cristina Barcelona (2008) 情迷巴塞隆拿

2011-03-08T03:02:00.002+08:00

電影 :4______畫質 :4______聲效 :差______整體 :4

當甘於平淡的女孩遇上玩世不恭的藝術家.泛起意想不到的漣漪
自命不凡的女孩當遇上真正不凡而渴望的愛情又吃得消嗎?
一對愛得很病的舊情人,真正愛得要命.
一個嬲字的男男女女7國咁亂的情慾瓜葛.
人物刻劃細緻,演員表現出色,Barcelona景色迷人.

又一部有趣精彩的Woody Allen的作品.

Body of Lies (2008) 叛諜同謀

2011-03-07T12:39:00.000+08:00

電影 :4______畫質 :4.5______聲效 :極出色______整體 :4.5

又是導演Ridley Scott + Russell Crowe 的組合,今次找埋Leonardo DiCaprio.
影片風格跟導演名作 "Black Hawk Down"(黑鷹15小時)有點似.
電影一貫導演作風的嚴謹,而2位主角的演出亦好有火花.
劇情則跟佢細佬Tony Scott的"Spy Game"(諜戰)有點似,
一個"局中局"的故事2地情報人員的鬥智鬥力,
而對中東局勢有很細緻的描述.幾好睇,加上聲畫階很好.

Resident Evil: Afterlife (2010)

2011-02-28T12:15:00.074+08:00

電影 :4______畫質 :4______聲效 :極出色______整體 :4.5

來到系列的第4集,之前係戲院睇已經好鐘意,出左港版blu-ray不過要連埋隻3D版買2百幾蚊,計埋運費買美版百幾蚊底d.
很精彩的動作特技片,而且更加雲集(翻炒)過去10年的動作片原素.
這個系列本身就由電玩遊戲改編而成,就如打機一般的過關打大佬劇情係無問題的.
今集更加加入返很多原作電玩的原素,如Chris 終於出場,片尾又有被控制的Jill出場.好有可能下集Leon同ada都會相繼出場,有打開機的我好有親切感.
我非常滿意,不要講故,不要說教,劇情不用有深度,由頭爆到尾非常好.

A.I. Artificial Intelligence (2001) 人工智能

2011-02-21T18:01:00.000+08:00

電影 :5______畫質 :3.5______聲效 :不錯______整體 :4

一部當年已很喜歡的電影,寇比力克Stanley Kubrick留下劇本,
最後由史匹堡Steven Spielberg接手拍攝完成.
有不少人期望這會是寇比力克Stanley Kubrick"2001太空漫遊"之後的伸延,
出來的作品並不如"2001太空漫遊"沉長而哲學性令很多人失望.
但我覺得由阿史匹堡拍出來的A.I.很不錯,係商業同創作上拿到一個好好的平衡.
很有效顯淺表達出主題,我相信寇比力克劇本的關係,氣氛比較黑暗沉重,
機械人小孩主角Dravid又是一極悲劇的人物,憑藉信念尋找童話裡的仙子,
等待2千年望仙子可讓佢變成"真人".
Dravid未必真實理解人類的"愛"但絕對比人類更真摰.
最後只剩下機械人的冰雪世界憑藉人類的遺跡找尋生存的意義,
很讓我震撼的劇情,而相對商業包裝下亦有其好值得返思的哲學性.
如果一個機械人曾經愛過,抱有信念尋覓過,都不算存有某種生存的意義.
那人類又憑什麼証明生存的意義?
送上Joe被帶走前最後一句對白: I am... I was.

Avatar Extended Collector's Edition (2009)

2011-02-16T10:32:00.001+08:00

電影 :5______畫質 :5______聲效 :極出色______整體 :5

我張舊的版本賣左買返鐵盒Collector's版,
有加長45分鐘3小時的電影版本,又有另外2隻好長盡的extra碟.
原本打算買美版,不過後來得知美版extra碟無中文字幕,
而港版extra碟會有簡體中文字幕所以買港版.
3小時版本加左多一d故事背景另其更完整對故事更了解.
如Jake Sully係地球的生活,地球人同族人衝突的起因等.
喜歡原本電影版相信亦會喜歡這加長版.
extra碟有好詳盡講解電影製作過程,我終於知道套戲係點拍.
聲畫同樣頂級水平,絕對係試機天碟的質素.

Edward Scissorhands (1990) 幻海奇緣

2011-02-15T17:28:00.000+08:00

電影 :4______畫質 :3______聲效 :差______整體 :3.5

係Tim Burton 及Johnny Depp的一部經典之作,
而我從未睇過...
主角絞剪手被人們由害怕到喜歡到痛恨佢.
現代的童話故事,一個極悲劇的角色.
戲是好睇,可惜畫面不合格,音效原用舊系統的4.0係5.1會有一隻喇叭無聲...

The Devil Wears Prada (2006) 穿 prada 的惡魔

2011-02-14T10:14:00.000+08:00

電影 :3.5______畫質 :3.5______聲效 :不錯______整體 :3.5

之前睇過的女人戲一套,唔貴又有最近好鐘意的Anne Hathaway買返來睇下.
我喜歡主角最後做的決定.或者可以到達一般人渴望只有少數人到達的位置.
不過因為工作而出賣靈魂,開始無左自己.倒頭來值得嗎?
我情願做穿佐丹的天使好了.
畫質不好只僅僅合格的水平.

How to Train Your Dragon (2010)

2011-02-08T09:39:00.000+08:00

電影 :4______畫質 :5______聲效 :很好______整體 :4.5

上畫時很好評,故事很好畫面亦漂亮lighting很出色.

那條主角龍畫得生動可愛很像貓,

故事老土但真摰,父親認為兒子不長進失望而沒有理會兒子想怎樣

2代分期,彼此有著不同期望,亦因咁的隔膜阻隔父子感情.

透過兒子與龍建立的友誼化解全族世代對龍的恩怨,

同時亦令父親體會兒子縱使不是自己所期望的成長,

然而佢有自己的想法天地不等於佢不成材.

結局破格不落俗套,極佳畫質聲效亦好.

Scoop (2006) 遇上塔羅牌殺手

2011-02-01T10:01:00.000+08:00

電影 :3.5______畫質 :4______聲效 :不錯______整體 :4

有阿Scarlett Johansson 又唔係貴港版blu-ray買埋來睇下.
不錯,個故仔佈局幾有趣.很Woody Allen式的諷刺幽默,
而且佢的電影當然不會荷里活公式化橋段.
較喜歡佢上一部 "Match Point"多D,哩部亦不差.

分手說愛你 (2010)

2011-01-30T22:09:00.000+08:00

電影 :3.5______畫質 :3.5______聲效 :差______整體 :3.5

200蚊3隻的情況下買埋來睇,本來實在沒有太大期望,但又算唔差wor.
起碼的確拍得到個份真實感而睇得舒服,男女主角又想不到演得不錯.
我都樂見多一點真正的"港產片".

Home (2009) 地球很美有賴你

2011-01-29T18:38:00.000+08:00

畫質 :5______聲效 :不錯______整體 :4

這並不是一部電影,是一部有關環保的紀錄片.
攝影師走訪全球從高空拍下非常壯麗的地球景觀,使得我們可從另一個全新的角度觀賞地球.
再配而旁白探討全球暖化,污染等急需正視的問題.
畫質極佳假如不理會內容極像豐凙百老匯等試電視片段.

Piranha (2010) 變種食人魚倉3D

2011-01-27T21:50:00.000+08:00

電影 :4______畫質 :3.5______聲效 :極出色______整體 :4

前幾日同埋"Pride & Prejudice" (傲慢與偏見)一齊買稱得上為"庸俗與感性".
平平地買隻港版個中文名係"變種食人魚倉3D",而其實唔係3D好吹脹
我認我非常鐘意哩d俗不可耐的B片.
夠多女睇夠血腥夠荒謬哩部真係有齊哂.
劇情仲要夠痴線真係鐘意到魂,d女游游下水會自己除哂d衫裸泳.
另外撞爆頭呀,d魚飛埋來咬jer等等.
超低能勁好笑.好膚淺囉,唔該~

Pride & Prejudice (2005) 傲慢與偏見

2011-01-26T14:28:00.033+08:00

電影 :5______畫質 :4______聲效 :極出色______整體 :4.5

原來一直遺漏了這部精彩的電影,起初以為會太過文藝氣色或太過女性角度而不太想睇.
沒有看過這本很有名氣的原著小說,所以不知道電影與書的差距.
但單以電影來講實在拍得非常好,故事出色場景漂亮優美像油畫.
角色刻畫得細緻動人,5姊妹性格鮮明,不懂表達自己內向而溫婉的大家姐,很有自己主見想法而勇於表達的2家姐,愛淘氣胡鬧的3,4妹,古蕭而帶點神經質的5妹.
有幾個一直追住角色的長鏡頭拍得好精彩,看得出導演拍得好有心機.
看extra時知道有趣是原來"BJ單身日記"都是以小說"傲慢與偏見"為藍本改編的.
一對本應相愛的男女,因各自的"傲慢"及對對方的"偏見"因而被產生的誤會阻隔.
這倒是一個屢見不鮮的問題,200年前都今天如是.
畫質好聲效出色賞心悅目.

Alice in Wonderland (2010) 愛麗絲夢遊仙境

2011-01-19T13:02:00.001+08:00

電影 :5______畫質 :4______聲效 :很好______整體 :4.5

我原來一路都搞亂左"愛麗絲夢遊仙境 Alice in Wonderland"
以為即係 "綠野仙踪 The Marvelous Land of Oz"
而其實我無睇過"愛麗絲夢遊仙境",所以我係戲院睇時是第一次睇好有新鮮感.
我極愛本片晦淡色撞鮮色的"色tone",美麗有型.
一向都喜歡Tim Burton係電影中怪誕劇情,畫面晦暗的調子,
在知道Tim Burton拍"Alice in Wonderland"時覺得原著的奇幻情節難不到佢.
唯一問題是作為童話故事應有的調子如何拿揑,
結果在晦暗調子上撞上tune低左的鮮色,效果理想.

劇情簡單而有意思,小時候,我們總願意相信好多事情,
長大後則為生活而生活什麼都不相信,被其他人擺佈著,
做所有人認為合理應該的事情,不再幻想不再相信什麼.
愛麗絲藉再次進入Wonderland重拾曾經願意相信事情的勇氣,
對,我地隨波逐流任由擺佈因為我地沒有改變事情的勇氣,
所以我地情願不再相信什麼,因為不用改變.

戲中演紅,白王后2位演員演得很好,演愛麗絲的則有點呆,
Johnny Depp照樣眉飛色舞不過有點熟口熟面.
演孖仔的及一眾CG角色很生動有趣.
隻碟係3D版+普通blu-ray版,我沒有3D電視無試3D版.
畫質雖不錯但並沒有想像中好,畫面偏暗.

Iron Man 2 (2010)

2011-01-11T14:04:00.002+08:00

電影 :4______畫質 :4______聲效 :極出色______整體 :4

Iron Man整個設定本身已經集合了很多男人的夢想,
聰明有型又有才華,有錢用最高科技的電子產品,不覊而率性,
最重要係背後仲要有個永遠支持的美麗女秘書,玩完的女人仲識幫你趕走.
幾時都話有得簡幾"大"都做Iron Man唔做batman,
阿Dark Knight要背負成個城市晚晚係天台擺post,仇家又多條女又死鬼埋.
今集比Iron Man背負多d野,哦~原來玩世不恭的背後係因為就黎死,
當然好快搞返掂,套"架生"仲upgrade埋.可以繼續做"愛國的Playboy"
感覺無上集咁好,不過我亦很喜歡第2集.
可惜主角好友個將軍換左人,我比較喜歡上集個演員.
有新加左靚女Scarlett Johansson做打女補返數.
今次賽車個場戲拍得很好,係戲院睇時已經印象難忘.
睇extra話真係用真實的賽車爆佢想半空拍,所以先咁有迫力.
而家電腦CGI絕對萬能,不過就係差左一d真實感無迫力,
我好樂意見到而家導演們可因應唔同場口選擇用咩野技術拍.
主角有型,有靚女,有動作場面,有特技電腦CG,畫質不錯,聲效正.夠收貨la.
另外劇情終於帶到上Marvel鋪排左多年的Avengers計劃個度.
相信Marvel的英雄大混戰戲詭快將上演.

Juno (2007) 少女孕記

2011-01-07T18:45:00.001+08:00

電影 :3______畫質 :4______聲效 :不錯______整體 :3.5

因為之前睇過 Up in the Air (寡佬飛行日記) 很喜歡,
所以買埋導演的前作來睇,亦是第一次買$80台版blu-ray(無問題wor).
戲不是不好,只是不是我喜歡的題材,比較teenage的角度沒有什麼共鳴.
我確實喜歡導演以輕鬆的手法真實反映事實.
不竟像未成年未婚媽媽是一個很嚴肅及敏感的題材.

The Expendables (2010)

2011-01-07T12:39:00.001+08:00

電影 :3.5______畫質 :4.5______聲效 :很好______整體 :3.5

我買最主要是為了至敬的,一個童年回憶.
細個時好喜歡睇史太龍,認為史太龍就係代表"好勁",
所以果時明珠台就算播左9千幾次都會再睇.
今次龍哥成60幾歲人帶埋一班動作巨星訓身演,仲找埋Bruce Willis同Arnold Schwarzenegger出來友情友串你仲想點?點都要比面買隻碟返來至敬la.
劇情都係一班人打一隊軍隊個D同好足夠的爆破場面,無驚喜但足夠收貨.
另外畫質意想不到咁好.

霍元甲 (2006)

2010-12-29T18:05:00.000+08:00

電影 :4______畫質 :4______聲效 :不錯______整體 :4

我之前係戲院睇都已經好喜歡,等價錢回落買返碟來睇今次仲係導演加長版添.
好自然會將"霍元甲"同"葉問"比較,我則較喜歡前者.
感覺上看過好多關於功夫武術的電影,不過倒沒有睇過真係講可謂"武術".
人為什麼要學武術,而武術最終的意義又係咩.
我亦很認同電影所講的可謂"武術".另外,我個人比較偏愛睇李連杰打,瀟灑流麗.

Moon (2009)

2010-12-20T13:55:00.001+08:00

電影 :4______畫質 :4.5______聲效 :很好______整體 :4

朋友推介的一套戲,香港好似無上個畫.

2001太空漫遊格局的Si-Fi,電影是09年的但很有70,80年代的風格.

導演亦承認向他從少看的經典Si-Fi至敬,

如"2001太空漫遊"."Alien", "Blade Runner"等.
佢刻意用返當時流行的小模型技術拍攝,使得畫面更有70,80年代感覺.
故事確實有趣及有很多反思的空間,當複製人遇上複製人,把有生命有思想複製人當成工具.
坊間被喻為近年最好的Si-Fi,一套很值得看的獨立電影.

Up in the Air (2009) 寡佬飛行日記

2010-12-03T11:56:00.002+08:00

電影 :4.5______畫質 :4.5______聲效 :很好______整體 :4.5

最近blu-ray價錢回落買來睇,我好仲意.
上畫時已經好多人講好睇.因為劇情片一般我會買碟係屋企睇.
起初以為係d我最痳痳的輕鬆愛情小品類型.
原來唔係,而且仲幾嚴肅.及幾反映到真實社會現象.
講一個生活只有工作的人,沒有家沒有朋友.以因為工作關係累積的飛行里數視為一個人生目標,社會上會認同咁樣的人算係好成功,事實上其實幾可悲.
以輕鬆的手法講社會上沉重的問題---裁員,失業,xy世代之間的誤解,婚姻,婚外情,人生意義等等...
當中xy世代之間的誤解,矛盾,衝突拍得好好.
現在好想睇我未睇的導演上一部好評的戲"Juno"

Blade Runner (1982)

2010-11-26T10:26:00.005+08:00

電影 :4______畫質 :4.5______聲效 :極出色______整體 :4.5

看"Alien"時的製作特輯時得知"Blade Runner"是導演Ridley Scott 一部好重要的作品,所以即刻去買來睇.
我第一次看而且是這個2007年導演重新剪輯版本,果然是一部很好的作品.
當年好像不是很受歡迎,相信因為不是大家期待的動作 si-fi類型,是偏向哲學性很多喻意的電影.
現在看來,哩部戲影響左好多後世的電影,睇返好多場境畫面當初出處原來自"Blade Runner"
戲中未來的世界觀好有趣,有很多東方原素,陰沉黑暗,當年是相當前衛亦是其中一個當年不受歡迎的原因.
畫質好難相像是82年的戲,我認為是未有電腦CGI年代之前視覺特效最好的戲.

Alien Anthology (1979, 1986, 1992, 1997)

2010-11-25T18:16:00.007+08:00

終於出左blu-ray Alien Anthology ,
頭3集是導演版再有2隻詳盡extras共6 blu-ray碟,$560價錢相當抵,
而單是為頭2集的高清化已經值會票價.
我喜歡Alien系列有趣的地方係會集都不同導演每集不同風格,
3集的3位導演剛好亦是我很喜歡的3位導演.
對,我是完全沒有把"Alien: Resurrection"看成是Alien的系列,
極其量當成是"Alien vs. Predator"般外傳看待.就當買3集送的bonus

*********************************************************

Alien (1979)

電影 :5______畫質 :5______聲效 :很好______整體 :5

想不到3集當中令我最驚喜的會是1979年的第一集.極好畫質完全不能想像是30年前的作品.
本來我相對較喜歡第2集"Aliens",不過我現在較喜歡blu-ray重生下的第一集.
基本上2集Alien都看過很多次,因為從小明珠台就不停播.而第一集是越看越有味道的片,
亦是偏向神作"2001: A Space Odyssey" (2001太空漫遊)的懸疑類型,不過則沒有其哲學性.
導演Ridley Scott亦承認拍"Alien"時亦很受2001啟發.
好無疑問Alien絕對是驚嚇片的經典,相比現在主流以快速觀能刺激的驚嚇,"Alien"顯得更有深度.
"Alien"是心理上驚嚇,extras裡故事作者提到,以人性最原始害怕的事物出發.
當然創作Alien這生物的插畫家亦很重要,完美創作出一隻黑暗,邪惡,污穢,兇猛,難測,只要看一眼就很厭惡害怕的生物.
extras裡提到插畫家刻意要Alien沒有眼睛,因為你不知道佢望邊會更加恐怖.
之前亦聽人講過,今次在blu-ray下看得好清楚整個"Alien"世界有很多性的暗示.
有很多場景以放大的性器官形狀及骨骼結構構成,所以場景會有一種潛在的污穢厭惡感.
當然有齊這些好材料亦未必一定拍得出一套好戲,亦要有能人去整理.所以導演功不可沒.
當初電影公司及故事作者甚至怕會變成一部庸俗的B級太空片.點想到最後成為經典名作.
現在看的blu-ray版本,必然是我看過最好版本,畫質一流.很多幕在高清下更有迫力,更震撼.

*********************************************************

Aliens (1986)

電影 :5______畫質 :4.5______聲效 :極出色______整體 :5

第2集"Aliens"畫質亦很好,而且有電視全開比例1.85:1 ,及極出色聲效.
導演James Cameron 說並不想重拍第一集,而是保留上集一些特色拍出全新的一集.
由上集節奏較慢懸疑類型去到今集的節奏較快的動作類型.
如大部份James Cameron的作品,整部電影就是展開一個驚險的旅程.
第2集"Aliens"同樣地成為了經典,後來的動作片基本上都是跟隨這個節奏模式.
甚至導演最新的"Avatar"亦很有"Aliens"的影子.
著名電玩遊戲biohazard跟第2集"Aliens"很似有極多地方參考套戲.
上集一個純粹而失敗的商業決定,倒成為了今集一個很好原素.
因為商業考慮刻意加入女性角色成為主角,電影公司希望藉此吸引多一d女性觀眾入場.(但不成功)
原著劇本"Alien"包括主角都是無女性的,上集做就了史上第一位si-fi驚嚇片女英雄.
今集則完全確立其女英雄地位,更加加入了母性的聯想.
把Alien生態世界延伸為異形皇后主導的母系世界,使結尾2位母親的對決顯得更有戲劇性.
整體來講"Aliens"是很出色的續集,既能保留上集某些很好的風格特色,亦把故事更擴大延伸.

*********************************************************

Aliens 3 (1992)

電影 :4______畫質 :4______聲效 :不錯______整體 :4

第3集聲畫都皆不及上2集.
上映的版本劇情被改得支離破碎,幸好blu-ray都有收錄相對完整的導演版.
當時David Fincher 還是剛出道拍第一部戲的新導演,而且更是頂替原來拍"Aliens 3"的導演.
可謂人微言輕剛出道的他被電影公司壓制著,
加上在根本沒有劇本的情況下拍,所以拍的難度很高.
由第1集的懸疑類型到第2集的動作冒險類型,今集則是很重的宗教意味.
如導演David Fincher的作品( "Se7en", "Fight Club")一般喜歡探討人性及生存意義的題材.
我其實幾喜歡把Alien當成從地獄來的惡魔生物這種隱喻,
戲中各人面對Alien有的看成對付Alien是一個試煉,有的看成末日來臨的考驗,有的禁不住好奇要放走這頭"龍"為了再看一眼.
最後主角為了不想在體內的Alien為害世界而跳入大火爐捨身成仁,很有基督宗教意味.
雖然很多人包括我亦認為今集遠遠比不上前2集,但我依然覺得是一個不錯的系列終結.當然前2集亦過份的強.
畫質不錯不過某d Alien的動作同畫面唔夾色(唔係用CGI,反而最後唯一一個的Alien CGI鏡頭則好靚),聲效有人聲太細的問題.

*********************************************************

Alien: Resurrection (1997)
電影 :3______畫質 :4______聲效 :不錯______整體 :3

法國導演Jean-Pierre Jeunet 拍的"Amelie 天使愛美麗"我都好仲意,佢好有風格不過實在不適合拍Alien.
之前已經有3套,好難再有咩野新角度,好容易熟口熟而或者好"格硬哩"
Alien失去左應有的特色淪為一隻怪物,而最後人形Alien太四不像.
復製人復活的點子ok不過無點扭條橋所以都係好"行".
人物設定同套戲個調子其實幾有趣,係部黑色喜劇,水中那幕追逐戰亦拍得很精彩,只是很不Alien.
我認為獨立來看仲算不錯,當成Alien的系列則完全不合格.

The Game (1997)心理遊戲

2010-11-11T17:51:00.002+08:00

電影 :4______畫質 :3.5______聲效 :不錯______整體 :4

多年前的舊作,我很喜歡"Se7en"及"Fight Club"導演David Fincher 的作品.
講一個擁有一切的男人,但心靈係空洞的.
亦活在一個目睹父親自殺的童年陰影之下,而且正慢慢步父親的後塵.
這時侯佢細佬送左一個神秘會所的會籍佢做生日禮物.
透過神秘會所展開奇幻的旅程亦因此改變一生.
故事佈局幾有趣,導演一貫探討人性心靈的題材.
不能跟佢兩部神作"Se7en"及"Fight Club"相比但亦不錯.
畫質差D只達合格水平,不過可接受.

Back to the Future: 25th Anniversary (1985-1990) 回到未來

2010-11-08T10:42:00.000+08:00

電影 :5______畫質 :5______聲效 :很好______整體 :5

震撼~完全不相信是25年前的電影,畫質極好像只是幾年前的戲.
當年上畫當時我年紀實在太少,對套戲其實無咩印象,只記得架車好有型.
看見出左這個25週年套裝460不太貴買來睇.
3集一口氣睇左2次實在好好睇,不愧為玩時空交錯橋段的經典.
因為那個年代電腦效果有限,一定要有好劇情,劇本要扎實靠劇情推進引發戲味.
當中時空交錯橋段亦實在一絕,玩得巧妙而不混亂,不像現在隨便加一段CG電腦效果便能個關.
我誠意推介這套裝blu-ray.

William Shakespeare's Romeo + Juliet (1996)

2010-11-05T18:18:00.002+08:00

電影 :5______畫質 :4______聲效 :很好______整體 :4.5

另一套極喜歡Baz Luhrmann導演的戲,
現代版的Romeo + Juliet,喜歡佢真係用Shakespeare's的對白,
喜歡佢戲中所用的音樂歌曲,喜歡佢的鏡頭分鏡場境,
喜歡佢拍到MTV咁,喜歡當年的Leonardo DiCaprio.
畫質跟"Moulin Rouge!"比差一點不過依然不錯.

Moulin Rouge! (2001) 情陷紅磨坊

2010-10-25T22:09:00.001+08:00

電影 :5______畫質 :4.5______聲效 :極出色______整體 :5

一連買了2套Baz Luhrmann導演的戲,
先講"Moulin Rouge!"這是我唯一最愛的歌舞片.
我實在太愛佢用串連的流行曲重新混音組成的歌舞片.
現代的流行曲歌詞變成1900年的新詩,吹漲但過癮.
當然亦愛其美指,畫面極盡漂亮流麗.
可以講無論由演員,音樂,音效混音,舞蹈,服裝,場境,剪接,我都認為完美.
亦不失為Nicole Kidman 返身之作終於棄掉花瓶之名,演得很好.
畫質以10年前的戲來講,而且在高清下看見那個3D仍不是萬能的年代,
而透過人手打造出來的場境非常美麗,是電腦不能替代的.

"How wonderful life is while you're in the world"

Exam (2010) 血聘

2010-10-12T11:42:00.000+08:00

電影 :3.5______畫質 :3.5______聲效 :差______整體 :3.5

雖然上畫時都有留意,不過我不太特別好哩類密室鬥知鬥力戲.
在鋪頭看到2手60蚊咁平所以買來睇下.
個故仔其實都幾好成個佈局亦講得通,其實幾好睇.
但係成套戲大部份都係對白而場境亦只有一個,
假如知道了結局則沒有番睇的意欲.
我一向認為電影不應該太多對白,如果要用大量對白來表達的話應該寫小說.

Robin Hood (2010)

2010-10-06T15:32:00.003+08:00

電影 :4______畫質 :5______聲效 :極出色______整體 :4.5

上映時好像沒有人提起,雖不及"Gladiator(帝國驕雄)"但亦拍得很好.
我本身對Robin Hood 一點都不熟悉,連是真實歷史人物定虛構的民間傳說都不知道.
只知道佢用箭好叻同打劫d有錢人再分比窮人所謂劫富濟貧的俠盜.
部戲唔係我想像的風味.係講佢未做"俠盜"前同點解會走上哩條路的故事.
反而想不到有好幾場精彩的戰爭場面. 其中有場登陸戰像古裝版的"雷霆救兵" .
劇情有點像"Braveheart" 講一個男人點樣面對國家,自生,所愛,民族及整個時代的轉變.
唯一係主角Russell Crowe真的老了表現無咩神采.
我直接睇導演版唔知戲院版有咩分別,畫質聲效好好值得收藏.

人間喜劇 (2010)

2010-10-05T12:00:00.031+08:00

電影 :3.5______畫質 : 4______聲效 :差______整體 :3.5

開頭以為好爛無打算睇,
不過看過幾個blog及一些朋友介紹都認為套戲唔錯不算爛片.
blu-ray都係130蚊就買來睇下.
倒是一套好有誠意的作品,有幾個位亦真係令我笑得好開懷.
杜文澤的演繹竟然唔錯,唔再刻意"腸戲"甚至幾收放自如.
戲中用好多過去的電影來開玩笑,亦向時下年輕人諷刺一番.
雖然劇情有點堆砌不過總不算係爛,畫質亦好,值得一睇.

復仇 Vengeance (2009)

2010-10-05T11:26:00.001+08:00

電影 :3.5______畫質 : 4______聲效 :差______整體 :3.5

可算係杜Sir的精選作品集,很多佢之前熟口熟面的場面.
跟之前的"放逐"連演員甚至戲中角色名字都一樣.
只是加了一個法國演員做主角,不過我覺得返而有點不淪不類.
戲就不過不失,而如果喜歡開杜Sir的都會喜歡的.
港產片來講畫質算不錯.

Prince of Persia (2010) 波斯王子

2010-09-12T15:39:00.000+08:00

電影 :2.5______畫質 : 4______聲效 :很好______整體 :3

簡直係中伏,套戲非常唔好睇.
演員方面男女主角都欠說服力,男主角太大隻不是"波斯王子"應該身手敏捷的那種輕巧身型,感覺有點鈍.
女主角實在談不上漂亮...奸角個樣太奸驚死你唔知佢奸...
咁唔緊要睇動作場面囉,沒有"波斯王子"應有的招牌式巧妙跳躍,只覺混亂...
咁都唔緊要睇電腦特技囉,除左一兩個特技鏡頭外無野好睇...
咁都都唔緊要劇情好咪得囉,鬆散無章力,胡亂堆砌的劇情...
結論---睇完一次我即刻想拿去賣.

Casino (1995)

2010-09-12T15:35:00.000+08:00

電影 :3.5______畫質 : 4______聲效 :不錯______整體 : 3.5

依家D blu-ray平左買返D舊戲重溫.巧合地買左2部都有沙郎士東的電影.
哩套戲當年上映時我剛好在英國讀書,所以係英國睇.
而亦因當年英文水平有限(依家亦唔係好),及沒有字幕的關係,我係睇完完全唔明的.
依家睇返覺得不錯,一部名人傳記式電影,
講述幾個人在拉斯維加斯打滾的故事,有點像港產片"賭城大亨之新哥傳奇"
有我喜歡的演員羅拔迪尼路.而幾位演員的演出都很好,畫質亦好.
另外,extras方面有講返真實個位人兄.

Basic Instinct (1992) 本能

2010-09-07T10:39:00.027+08:00

電影 :4______畫質 : 4______聲效 :不錯______整體 : 4

在$65 蚊系列入面找到哩隻經典.
當年上映時我仲係小朋友所以從未睇過.
今次第一次睇覺得幾好睇,當年莎朗史東 Sharon Stone真係好靚.
一部強勢女性主義的電影,好係那個年代的電影.
雖說已是18年前的電影來到blu-ray仍然有很好的表現,畫面高清化做得很好.

Minority Report (2002) 未來報告

2010-08-30T16:47:00.003+08:00

電影 :4.5______畫質 : 4______聲效 :極出色______整體 : 4.5

我算得上是一個好喜歡看Sci-Fi 電影的人,
而Minority Report 一直是我很喜歡的Sci-Fi ,interface好感興趣的的我,

對戲中果套對住透明屏幕用手部動作入指令的"software"簡直著迷,

會好留心睇佢下每一個指令的動作,現在看都依然覺得好前衛.

要直至今年年尾電玩遊戲xbox將會推出的新配件才會有類似的系統.
我一直以為當時Tom Cruise只不過在假裝做動作扮型,影像係後期合成上去的,
根本沒有真實的入指令.但今次睇製作特輯先知道原來係真實的.
即早在02年已經有一間公司開發左一套咁樣的程式,
使得演員可在電影中使用.

電影本身情節也很有趣,及很多未來的設定我好喜歡.
如透過眼睛認證知道你是誰直接跟你說話的互動廣告版.
有動畫及會即時跟新的報紙,
讓你意識直接誰入你想要的虛擬世界店舖.(即"Avatar" + "Inception")
同我好鍾意架未來"Lexus 淩志".
另外,畫面方面看到第3部史提芬史匹堡的blu-ray.
我理解佢高清化方面亦不想失去菲林的微粒味道.想保留舊戲的一種粗糙感.
過去2套("Indiana Jones" 及 "War of the Worlds")我都不太欣賞.
今次Minority Report我則認為比較取得平衡,
而已有DVD的我來到blu-ray亦有"新睇法",所以我整體是滿意的.

Elizabeth: The Golden Age (2007)

2010-08-24T10:53:00.001+08:00

電影 :4______畫質 : 4.5______聲效 :很好______整體 : 4

緊接看相隔9年07年的第2集"The Golden Age",相信比較近年的關係畫質比上集提昇了.
當時上畫時無睇過,今次第一次睇.
今集整體不錯,如果刻意跟上集比較則上集會稍微好睇一點.
場景及道具好靚,當而家樣樣野都用電腦做到出來之後,靚場境及道具更覺可貴.
電影本身去到一些舊教堂取景,那一重結合宗教同歷史的哥德式建築,實在不是電腦3D場景可以比擬.
戲中有一場Elizabeth在刻了地圖的地版上用道具船與大臣們相量退敵對策,
那幅地圖及道具船做得好靚.睇得出每一樣野都好用心去做.
劇情方面有一場用火船撞向敵軍的場面跟三國赤壁有點像.不過佢不是轟烈的感覺,而是一種史詩式的感覺.
我認為如果喜歡第1集亦不容錯錯過第2集

Elizabeth (1998)

2010-08-23T15:38:00.001+08:00

電影 :4______畫質 : 4______聲效 :很好______整體 : 4

多年前睇過幾喜歡的一部戲,現在blu-ray降價$196連埋第2集一同買.
當時睇最有印象係天主教徒要燒死基督徒,梵蒂岡派人去殺生為基督徒的英國女皇.
本來畫面只值合格水平,但想到已經是12年前的電影及用電視比例所以我認為值4分.
這隻絕對是值得高清化再睇一次的電影,因為戲中的戲服靚到不得了.
高清下看得清楚服裝的層次及紋理,相信之前去戲院或DVD都無法睇真原來d戲服咁靚.
睇緊時我不禁說出"嘩,lee個哥仔件袍而家著出去sogo等人都唔失禮wor"
電影本身亦很不錯Oscar當年7個提名,拿了"最佳化妝".
我覺得無論劇本,演員,鏡頭運用,美術,配樂,服裝及化妝都很出色.
電影讓我認識原本不熟悉西史不太認識這位傳奇的處女女皇Elizabeth.
講述她如何由一位不懂世故的少女變成女皇,在動盪的年代計位.
面對感情,勸力及宗教的角力.絕對是一部拍的很好名人專記電影.

Kick-Ass (2010)

2010-08-18T16:26:00.002+08:00

電影 :4______畫質 : 4.5______聲效 :極出色______整體 : 4

又一隻$120港版blu-ray (只得中文字幕).前排上畫時都想去睇.
題材過癮,講有條毒男成日比人洽又溝唔到女,結果佢發神經求其係ebay bid左見舊潛水衫扮超人抱打不平,
亂打亂撞比佢救到條友仔,最緊要係比途人拍低左放上youtube仲出埋名tim...
套戲真係幾鬼cult.而且好係lee個年代,好時下年青人心態.搞咁多野都係為左溝女者,之後女友怕佢危險叫佢唔好做佢即刻唔做其實無咩抱負架炸.
一句返轉"Spider man" 的經典對白"我沒有能力,所以亦不需要任何責任"相信道盡年青人心聲.
後段講Nicolas Cage演的Big Daddy同佢個女Hit girl個度又型到爆.
有一段Hit girl流麗的鎗戰場面跟"Wanted"好似,番查資料原來係同一位漫畫家Mark Millar 的作品.
我好ok哩類夠癲痴線的戲,隻碟港版不過畫質聲效都好無問題.

The Island (2005) 荒島叛變

2010-08-18T16:24:00.009+08:00

電影 :3.5______畫質 : 4______聲效 :很好______整體 : 4

在已經看了多隻blu-ray之後,發覺雖然我沒有像樣的音響組合.

不過單憑我雞野5.1組合,其實都幾明顯分別音效高低.

所以我之後都會輕輕評下聲效,之前的可能重看時先補返.

我之前無睇過lee套戲依家見D blu-ray平左,百幾蚊一隻買來睇下.
而睇完"match point"之後又想再睇Scarlett Johansson.
其實係一部很不錯的sci-fi ,故事亦很有趣,動作場面在Michael Bay主理下亦不用擔心的.
簡單講一部標準的荷里活格式娛樂動作特技片,睇得好開心.
我從不抗拒所謂荷里活格式化的電影,難道你要套套都係inception咩?
有時候想不用腦睇套戲,再加上一d好浮誇的大場面就真係好得我心.
所以我一路都仲意影評人們鬧到癲的 Michael Bay 佢最叻就係極浮誇的大場面.
對~我好鐘意被選為世紀爛片的"Transformers: Revenge of the Fallen "
睇得出動作場面有好多"Transformers"的影子,不竟之後就拍.
故事講關於人造人的問題, 佢地算唔算係人?有無靈魂?
當然作為一部娛樂動作特技片只輕輕帶過沒有深入探討.

Speed Racer (2008) 極速賽車手

2010-08-09T12:00:00.005+08:00

電影 :3.5______畫質 : 5______聲效 :差______整體 : 3.5

我記得當年打著"Matrix" 導演班底的賣點,不過當年評價一般.

$135咁平加上blu-ray.com對佢畫面有好高評價(但對聲效評價好差)咪買來睇下.

原來是日本卡通改編,我無睇過原著.不過跟一般日本卡通格局類同,像"高知能方程式"個d.劇情熟口熟面.

畫面處理上好卡通化,電玩遊戲那類,好華麗但顯得不淪不類.

賽車場面欠質感,因為過份違背物理定律,即d車無重量似飄多過行.

如果你完全當係卡通睇就無問題,畫面設計其實亦好有心思.

整體其實ok的,畫質好好係聲效差D.

Match Point (2005) 迷失決勝分

2010-08-03T17:15:00.003+08:00

電影 :4______畫質 : 4______聲效 :差______整體 : 3.5

我確實不是十分好Woody Allen 的電影,而對佢lee部戲則特別有印象.
發現原來我連dvd都無就去買返lee隻$120的港版blu-ray.
主題好簡單"成功最緊要有運行".幾年前廿幾歲睇有點不置可否.
三十打後再睇則非常認同...這其實是一個大家不想成認的事實.
戲本身有初露鋒芒美麗迷人的Scarlett Johansson (最新"Iron Man 2"做打女).
畫質不錯仲係電視比例,係聲道奇怪地只有2.1同只得中文字幕.

Percy Jackson & the Olympians: The Lightning Thief (2010)

2010-07-26T17:36:00.002+08:00

電影 :3.5______畫質 : 4______整體 : 4

我算得上是Lord Of The Rings 的超級fans, 把完整的加長版睇左4,5次.
我亦很喜歡Harry Potter個故仔,有新一集必然即刻去戲院睇,之後亦會買碟重溫.
一有關於魔法神話等故事好自然會找LOTR 及Potter等系列比較.
不過如Percy Jackson其實各自是不同類別的.
Lord Of The Rings係文學有啟發性有喻意.
Potter是學校會推薦的青少年讀物,有成長過程的正面訊息.
那Percy Jackson則是流行通俗小說,劇情爽快唔講故唔說教,娛樂性豐富.
睇阿Percy Jackson冒下險,打下妖怪,溝下女.當卡通片開開心心睇其實幾ok.

Daybreakers (2009) 2019 獵血都市

2010-07-26T17:11:00.001+08:00

電影 :4______畫質 4______整體 : 4

之前睇過條trailer覺得個故仔幾得意都想去睇.不過很快落畫無幾會睇.
講全個地球大部份人都變哂吸血鬼,正常的人類則淪為供應血液的食物被培養著.
而血液不久亦供不應求吸血鬼亦陷入糧食短缺的局面.
的確是一個很破格的吸血鬼電影,幾好睇.結局亦幾有意思.
畫面不錯,音效極出色.

Taken (2008) 救參96小時

2010-07-05T18:22:00.002+08:00

電影 :4______畫質 4.5______聲效 :極出色______整體 : 4

最近世界盃期間睇少左碟.lee部戲係blu-ray.com有很不錯的評價.
係個中文名改得差d,當初因為lee個名無理到套戲.
當佢係美國電視劇"24"的電影版來睇,又幾好睇.
節奏明快,劇情緊張,不錯的動作片.

毒男的生活

2010-06-09T14:09:00.001+08:00

Super Street Fighter™ IV
抽~抽~抽~

2010 FIFA World Cup™ South Africa
踼~踼~踼~

LOST PLANET® 2
射~射~射~

Red Dead Redemption™
騎~騎~騎~

Blur
撞~撞~撞~

War of the Worlds 強戰世界 (2005)

2010-06-07T11:58:00.003+08:00

電影 :4.5______畫質 : 2.5______聲效 :極出色______整體 : 3.5

一部我喜歡的電影.表面上係科幻片其實都係主要講人性的劇情片.

失意中年的父親,帶著憤怒青年的兒子,神經質的女兒,面臨大災難.

沒有英雄主意,只有求生.戲中有好幾幕人性決擇都拍得很好.

感覺上"2012"都係想走這個方向,只不過拍得唔好.

已有DVD買返blu-ray.畫面以高清來講不合格,只比DVD好一點點,不過音效極好.

The Hurt Locker (2008) 拆彈雄心

2010-05-31T14:05:00.001+08:00

電影 :4______畫質 : 5______整體 : 4

一部拿左好多獎的電影,之前美版出左都有D想買最後都係依家買港版.

覺得唔係差但未去到拿咁多獎的水平.

前半拍得好有壓迫感,步步為營.交代出"拆彈"這種工作的危險性.

後半著重軍人心理方面的描寫.

故事講一個當兵上癮的人義無反顧地做著最危險的工作,

題材其實幾有趣不過冇重心亦欠說服力.

而極真實的手法交代軍人的工作倒真的有如至身其中的感覺,

之後睇製作特輯導演話想觀眾成為這3人小隊的第4人跟隨其後.

而電影拿奧斯卡獎後其中一個重點是第一位女導演拿最佳導演獎.

總覺得女性導演處理情感是細緻,不過作為軍事電影少左d熱血.

Blu-ray方面就畫面音效都好好.

The Fifth Element (Remastered) 第五元素

2010-05-18T11:46:00.002+08:00

電影 :4______畫質 : 4______整體 : 4

又一隻係amazon.com買的美版碟不過有中文字幕.
數數手指原來已經係13年前的戲,當年算得上前衛破格之作.
有一個有趣的世界觀.服裝人設好有特色.
紐約空中的繁忙交通車來車往絕對經典.現在睇都仲ok.
現在肥腫難分的Milla Jovovich (Resident Evil女主角),當年佢係The Fifth Element 全裸出場令人印象難忘.
以13年前的戲來講隻碟畫質相當好.
聽說套戲之前出過一個版本,不過高清化做得唔好畫質很差.
之後有關方面再出返現在這一個質素很好的Remastered版本.

The Reader 讀愛

2010-05-12T15:41:00.000+08:00

看完 "Revolutionary Road" (浮生路)後,很想睇Kate Winslet 另一部拿獎電影"The Reader"

可惜我在港找不到blu-ray,最後買左DVD.
敏感的題材,前半段係忘年戀.後半後係德國人對納粹德軍暴行的反思.
整部戲最精彩都係 Kate Winslet,又係好難演的角色但演得極好.
戲本身不錯,只係講緊的野都我沒有多大的共鳴.
對我一個亞洲人來講會有一個感覺.日本同德國係2次大戰後的分別.
德國在2次大戰後肯認錯.甚至有檢討所犯的錯誤.

Revolutionary Road 浮生路

2010-05-04T10:49:00.001+08:00

電影 :5______畫質 : 4.5______整體 : 4.5

一部很好的電影,之前無係戲院睇.
我好仲意,好有共鳴,特別在我剛好30歲的時候睇.
戲中講關於生活及婚姻的睇法我好認同.
我會好誠意推介給年過30或準備結婚的人睇.
不過要留意套戲極沉重係愛情悲劇.
睇時感覺個調子有點像"American Beauty (美麗有罪 )",返查資料果然係同一個導演.
演員本身找來Leonardo DiCaprio 及 Kate Winslet 2位之前主演的"Titanic"已經成為浪漫經典,
而今次2人至"Titanic"後再合作倒是現實得血淋淋"Revolutionary Road".
有趣是2部戲極端不同.我自己會想像如果"Titanic"的Jack無死到同Rose結左婚就會係咁.
所謂年青的浪漫激情過後,整返的係為生活而生活的空虛絕望.
Kate Winslet 憑此角拿金球獎,絕對實至名歸.我一向應為佢不算很漂亮但氣質很好好好戲.
lee類角色好適合佢,好難演,好容易演到變一個歇思底理的癲婆.然而佢掌握的好好.
最後,送上一句戲中好重心的對白.
Hopeless emptiness. Now you've said it. Plenty of people are onto the emptiness, but it takes real guts to see the hopelessness.

Avatar

2010-04-26T12:13:00.001+08:00

電影 :5______畫質 : 5______聲效 :極出色______整體 : 5

不費吹灰之力就成為試機天碟,

之前幾隻我認為頂級之作如"The Dark Knight","Transformers 1,2"等.

都被壓倒性擊破,係blu-ray.com有人認為這標誌住DVD年代的終結,我都好認同.

戲本身係上映時已經好震撼,佢張電影帶到去一個新的領域.

而如果要係家中重溫,現時只有blu-ray能夠表現.

又多一部James Cameron 的電影成為我最愛電影.

期待佢2部舊作高清化,"Aliens"同"Titanic"

Zombieland

2010-04-21T12:24:00.000+08:00

電影 :3.5______畫質 : 4.5______整體 : 4

部戲好似係香港無上過,我見係blu-ray.com有好高評價即管買來睇下.
係一部幾另類的喪屍的電影,好瘋狂同痴線,無劇情無深度完全似打機.(極似遊戲Left 4 dead)
有足夠的爆頭式暴力場面,容俗的笑話.好認真咁拍一部胡鬧的戲,
睇落都幾過癮,畫質不錯整體ok.

The Day the Earth Stood Still (2008) 地球停轉日

2010-04-13T09:24:00.002+08:00

電影 :4.5______畫質 : 4.5______聲效:非常好______整體 : 4.5

係戲院上時好多人唔仲意,但我覺得個故仔好有趣好似衛斯理小說.
相佢信唔係好多人期待的外星人侵略地球科幻片,其實係一部劇情片.

而我喜歡佢講,"外星人來地球的目的不是侵略而係從人類手中救地球."
blu-ray方面畫質同音效都係頂級水平.

最近又返睇一次,對有關"停轉"的主題有多一點體會.
結尾Klaatu看到了人類愛的情操.同時亦認同教授所說,
就像自己的民族要去到最危難的邊緣先會變.
所以在最後離開時把地球所有電子科技停下來,
帶出主題"地球停轉日"亦有從那天起就停下來的意味.
戲沒有交代之後點樣亦是當時被人怒罵唔好睇的原因.
然而假如把現代人賴以為生的電子科技從那天就停下來
倒真是推到最危難的邊緣.
迫人類停下來反思,因危難而求變,從而解救地球.

District 9

2010-04-12T12:45:00.001+08:00

電影 :4.5______畫質 : 4.5______整體 : 4.5

開頭我以為係Peter Jackson拍的,
原來佢係監製.導演係一個新導演亦係佢第一部戲.
相信Peter Jackson給了很大的自由度給該導演.
所以先會出現lee部極高原創性,很不荷里活,玩味十足的電影.
我好仲意個故仔,用外星人講種族衝突及仇恨.
可以張原本敏感沉重的題材淡化,而南非取境除左有效帶出主題亦好有新鮮感.
戲開頭以紀錄片形式拍效果好好,令咁抽離現實的情節變得可信.
而紀錄片及傳統電影的轉換亦控制得好好.特效亦做得很好.
來到blu-ray畫質音效都很高.

WALL-E

2010-04-08T10:12:00.002+08:00

電影 :5______畫質 : 5______整體 : 5

看完up之後想去買返wall-e的blu-ray.
地球變成一個廢墟只剩一個孤獨的機械人在拾荒.

沒有太多對白但極真摯的機械人戀愛,

人類像寵物般太空被飼養著.劇情方面其實相當沉重.

然而動畫使得淡化左反而幾平衡.

跟up一樣極高質素.電影本身我好仲意佢扮返傳統鏡頭有境深,有變焦時的out focus.
的確,咁樣令成套戲感覺真實好多.